Petropavlda politsiia sintetikalyq esirtkiniń iri partiiasyn tárkiledi, dep habarlaidy ult.kz.
Polisia.kz málimetinshe, esirtki ótkizdi degen kúdikpen Jambyl oblysynyń 42 jastaǵy turǵyny ustaldy. Ol táýlikke jalǵa alǵan Chevrolet Cobalt kóligimen Petropavlǵa kirmek bolǵan kezde Ońtústik baqylaý-ótkizý beketinde toqtatylǵan.
Tekserý barysynda kóliktiń salonynan aldyn ala ólshenip, oralǵan psihotroptyq zat salynǵan paketter tabyldy. Saraptama nátijesinde tárkilengen zattyń jalpy salmaǵy 120 gramm α-PvP sintetikalyq esirtkisi ekeni anyqtaldy.
Kúdikti asa iri mólsherde esirtki ótkizdi degen kúdikpen ustalyp, qazir qamaýda otyr. Meditsinalyq kýálandyrý kezinde onyń kannabinoidtar qoldanǵany anyqtalǵan.
Bul qylmys boiynsha 7 jyldan 12 jylǵa deiin bas bostandyǵynan aiyrý jazasy qarastyrylǵan.
Politsiia málimetinshe, jyl basynan beri Soltústik Qazaqstan oblysynda Petropavlǵa esirtki jetkizýdiń 26 arnasynyń joly kesilgen.
