پەتروپاۆلدا پوليتسييا سينتەتيكالىق ەسٸرتكٸنٸڭ ٸرٸ پارتيياسىن تەركٸلەدٸ, دەپ حابارلايدى ult.kz.
Polisia.kz مەلٸمەتٸنشە, ەسٸرتكٸ ٶتكٸزدٸ دەگەن كٷدٸكپەن جامبىل وبلىسىنىڭ 42 جاستاعى تۇرعىنى ۇستالدى. ول تەۋلٸككە جالعا العان Chevrolet Cobalt كٶلٸگٸمەن پەتروپاۆلعا كٸرمەك بولعان كەزدە وڭتٷستٸك باقىلاۋ-ٶتكٸزۋ بەكەتٸندە توقتاتىلعان.
تەكسەرۋ بارىسىندا كٶلٸكتٸڭ سالونىنان الدىن الا ٶلشەنٸپ, ورالعان پسيحوتروپتىق زات سالىنعان پاكەتتەر تابىلدى. ساراپتاما نەتيجەسٸندە تەركٸلەنگەن زاتتىڭ جالپى سالماعى 120 گرامم α-PvP سينتەتيكالىق ەسٸرتكٸسٸ ەكەنٸ انىقتالدى.
كٷدٸكتٸ اسا ٸرٸ مٶلشەردە ەسٸرتكٸ ٶتكٸزدٸ دەگەن كٷدٸكپەن ۇستالىپ, قازٸر قاماۋدا وتىر. مەديتسينالىق كۋەلاندىرۋ كەزٸندە ونىڭ كاننابينويدتار قولدانعانى انىقتالعان.
بۇل قىلمىس بويىنشا 7 جىلدان 12 جىلعا دەيٸن باس بوستاندىعىنان ايىرۋ جازاسى قاراستىرىلعان.
پوليتسييا مەلٸمەتٸنشە, جىل باسىنان بەرٸ سولتٷستٸك قازاقستان وبلىسىندا پەتروپاۆلعا ەسٸرتكٸ جەتكٸزۋدٸڭ 26 ارناسىنىڭ جولى كەسٸلگەن.
