Soltústik Qazaqstan oblysynda qutqarýshylar balyq aýlaýǵa shyǵyp, kólikpen sýǵa ketken er adamnyń denesin Esil ózeninen alyp shyqty, dep habarlaidy "Ult aqparat".
SQO tótenshe jaǵdailar departamentiniń málimetinshe, oqys oqiǵa 22 sáýirde shamamen túngi saǵat 2.30-da bolǵan. Qyzyljar aýdany Qyzyl Iar eldi mekeniniń mańyndaǵy Esil ózeninde balyq aýlaýǵa shyqqan eki er adam «Toyota surf» kóligimen Esil ózenine túsip ketti. Uiyqtamaq bolyp jatqan kezde balyqshylardyń dóńde turǵan mashinasy ózenge syrǵyp ketken. Kólik júrgizýshisi ózdiginen shyǵyp, aman qaldy, jolaýshysy mert boldy.
«Habar túsisimen-aq oqiǵa ornyna 5 adamnan turatyn qutqarý toby jiberildi. Súńgýirler saǵat tańǵy 6.00-den izdeý operatsiiasyn bastady. Tek saǵat 11.00 shamasynda ǵana avtokólik jaǵalaýdan 30 metr jerden tabyldy.
Jergilikti atqarýshy organ ókilderiniń, politsiia qyzmetkerleriniń qatysýymen kólik sýdan shyǵarylǵan. Onyń ishinen jolaýshynyń máiiti tabyldy.
Qaza tapqan er adam 39 jasta, Petropavl turǵyny. Aldyn ala boljam boiynsha, olar balyq aýlaǵan. Spirttik ishimdik ishken. Sońy osylaisha qaiǵyly aiaqtaldy», - deidi SQO TJD bólim bastyǵy Sáken Aǵzamov.
