سولتٷستٸك قازاقستان وبلىسىندا قۇتقارۋشىلار بالىق اۋلاۋعا شىعىپ, كٶلٸكپەن سۋعا كەتكەن ەر ادامنىڭ دەنەسٸن ەسٸل ٶزەنٸنەن الىپ شىقتى, دەپ حابارلايدى "ۇلت اقپارات".
سقو تٶتەنشە جاعدايلار دەپارتامەنتٸنٸڭ مەلٸمەتٸنشە, وقىس وقيعا 22 سەۋٸردە شامامەن تٷنگٸ ساعات 2.30-دا بولعان. قىزىلجار اۋدانى قىزىل يار ەلدٸ مەكەنٸنٸڭ ماڭىنداعى ەسٸل ٶزەنٸندە بالىق اۋلاۋعا شىققان ەكٸ ەر ادام «Toyota surf» كٶلٸگٸمەن ەسٸل ٶزەنٸنە تٷسٸپ كەتتٸ. ۇيىقتاماق بولىپ جاتقان كەزدە بالىقشىلاردىڭ دٶڭدە تۇرعان ماشيناسى ٶزەنگە سىرعىپ كەتكەن. كٶلٸك جٷرگٸزۋشٸسٸ ٶزدٸگٸنەن شىعىپ, امان قالدى, جولاۋشىسى مەرت بولدى.
«حابار تٷسٸسٸمەن-اق وقيعا ورنىنا 5 ادامنان تۇراتىن قۇتقارۋ توبى جٸبەرٸلدٸ. سٷڭگۋٸرلەر ساعات تاڭعى 6.00-دەن ٸزدەۋ وپەراتسيياسىن باستادى. تەك ساعات 11.00 شاماسىندا عانا اۆتوكٶلٸك جاعالاۋدان 30 مەتر جەردەن تابىلدى.
جەرگٸلٸكتٸ اتقارۋشى ورگان ٶكٸلدەرٸنٸڭ, پوليتسييا قىزمەتكەرلەرٸنٸڭ قاتىسۋىمەن كٶلٸك سۋدان شىعارىلعان. ونىڭ ٸشٸنەن جولاۋشىنىڭ مەيٸتٸ تابىلدى.
قازا تاپقان ەر ادام 39 جاستا, پەتروپاۆل تۇرعىنى. الدىن الا بولجام بويىنشا, ولار بالىق اۋلاعان. سپيرتتٸك ٸشٸمدٸك ٸشكەن. سوڭى وسىلايشا قايعىلى اياقتالدى», - دەيدٸ سقو تجد بٶلٸم باستىعى سەكەن اعزاموۆ.
