Soltústik Qazaqstan oblysynda Esil ózeniniń sýy molaiyp, Dolmatovo eldi mekeniniń mańynda bir táýlikte 113 sm deiin kóterildi, dep habarlaidy "Ult aqparat".
«Qazgidromet» RMK SQO filialynyń málimetinshe, Sergeev sý qoimasynda sý deńgeii turaqty túrde tómendese, Petropavl bógeninde, kerisinshe kóterilip keledi. Bir táýlikte kórsetkish 54 sm joǵarylap, 731 sm deiin jetti.
Jalpy Esil ózeniniń sý deńgeii Sergeevka qalasynan tómen qarai turaqty túrde kóterilip keledi. Bir táýlikte maksimaldy kórsetkish ( –113 sm) Qyzyljar aýdany Dolmatovo eldi mekeni mańynda tirkeldi. Petropavl mańynda 50 sm, Pokrovka aýylynyń janynda 42 sm, Novonikolskoe eldi mekeni mańynda 33 sm kóterilgen.
Oblystyń shaǵyn ózenderinde sý deńgeii túsip jatyr. Iaǵni, olardan keler qaýip joq. Bir táýliktiń ishinde 4-109 sm-ge deiin tómendegen.
20 sáýir kúni oblysta eskertý jariialandy, birer kúnde Esil ózeni tasyp, arnasynan asýy yqtimal.
Al Úlken Torańǵul kólinde jaǵdai ázirge turaqty. Bir táýlikte kól sýy 1 sm-ge ǵana kóterilgen.
