Vladimir Pýtinniń baspasóz hatshysy Dmitrii Peskov reseilik telearnalarda Qazaqstanǵa qatysty aitylǵan daýly málimdemelerge qatysty pikir bildirdi, - dep habarlaidy Tengrinews.kz.
Qazaqstandyq jýrnalist Ádil Baltabaev Vladimir Pýtinniń baspasóz hatshysy Dmitrii Peskovtan "Rossiia 1" telearnasyndaǵy "Vechernii Vladimir Solovev" baǵdarlamasynda aitylǵan málimdemeler Kremldiń ustanymymen qanshalyqty sáikes keletinin surady.
"Bul - saiasattanýshylardyń pikiri. Ol pikir Úkimettiń, Kremldiń saiasi ustanymyn bildirmeidi. Olardy tyńdap, kórýdiń qajeti joq", - dedi Peskov.
Peskovtyń aitýynsha, ártúrli adamdar bar, olardyń kózqarasy da ártúrli. Alaida olardyń resmi bilikke eshqandai qatysy joq.
Eske salaiyq, Reseidiń "Rossiia 1" telearnasyndaǵy baǵdarlamada sarapshylardyń biri "Resei úshin Ýkrainadan keiingi problema - Qazaqstan" ekenin aitqan. Bul máselege qatysty Syrtqy ister vitse-ministri Roman Vasilenko pikir bildirgen bolatyn.
