Resei prezidentiniń baspasóz hatshysy Dmitrii Peskov Ýkrainamen kelissózder júrgizý múmkindigi týraly suraqqa jaýap berdi, - dep habarlaidy Tengrinews.kz.
Peskovtyń jaýabyn qazaqstandyq jýrnalist Ádil Baltabaev Telegram-arnasynda jariialady.
"Dialog júrgizý úshin eki tarap ta qajet. Batys bizge dushpandyq pozitsiia ustanǵandyqtan, mundai perspektivanyń bolýy ekitalai. Soǵan qaramastan, Túrkiia da birqatar basqa elder siiaqty, qandai da bir jolmen deldaldyq áreketin jalǵastyryp jatyr ", – dedi ol.
Ýkrainamen kelissóz ústeline otyrý múmkindigi týraly aitqanda, Peskov "Ýkraina prezidenti Vladimir Zelenskii Vladimir Pýtinmen kelissózderdi jalǵastyrmaý taqyrybyn kodifikatsiialaǵanyn" atap ótti.
"Kodifikatsiia degen ne? Bul ýkraindyqtardyń kelissóz júrgizýine tyiym salatyn tiisti zań qabyldaý. Osy arqyly ary qarai qalai áreket etpek, túsiniksiz", - dep qosty ol.
