Foto: Tengrinews.kz / Sanjar Mýstafin
Biz Birgemiz qorynyń burynǵy basshysy, aiyptalýshy Perizat Qairat ózi jeke tanityn jábirlenýshilerden jaýap alýdy surady, dep habarlaidy Ult.kz.
Qaiyrymdylyq qorynyń burynǵy basshysy Perizat Qairattyń isi boiynsha sotta aiyptalýshynyń ózi buǵan deiin jaýap bergen jábirlenýshilerdiń ókilderin tanymaitynyn málimdep, tikelei ózi sóilesken adamdardan jaýap alýyn surady.
Ol Jusan Bank (qazirgi Alatau City Bank) bankiniń PR-qyzmetkeri Mihail Egorindi shaqyrýdy ótindi, sebebi sotta bank múddesin qorǵaityn Beibit Jorabaevpen jeke tanys emes ekenin alǵa tartty.
«Siz jábirlenýshi uiymdardyń ókilderin tanysańyz da, tanymasańyz da bolady. Aiyptaý tarap aityp otyrǵan oqiǵalar kezinde sizdiń ol uiymdardyń barlyq qyzmetkerlerimen bailanysta bolýyńyz mindetti emes», – dep jaýap berdi sýdia Sabyrjan Karimov.
Sonymen qatar sýdia bul ótinishti sot keńsesine tirkeýi kerektigin aitty.
Perizat Qairattyń ótinishin sot keiin qaraityn boldy.
Aita keteiik, bul isi boiynsha sot otyrysynda jábirlenýshilerden jaýap alynyp jatyr.
