پەريزات قايرات ٶزٸ جەكە تانيتىن جەبٸرلەنۋشٸلەردەن جاۋاپ الۋدى سۇرادى

فوتو: Tengrinews.kz / سانجار مۋستافين

Biz Birgemiz قورىنىڭ بۇرىنعى باسشىسى, ايىپتالۋشى پەريزات قايرات ٶزٸ جەكە تانيتىن جەبٸرلەنۋشٸلەردەن جاۋاپ الۋدى سۇرادى, دەپ حابارلايدى Ult.kz.

قايىرىمدىلىق قورىنىڭ بۇرىنعى باسشىسى پەريزات قايراتتىڭ ٸسٸ بويىنشا سوتتا ايىپتالۋشىنىڭ ٶزٸ بۇعان دەيٸن جاۋاپ بەرگەن جەبٸرلەنۋشٸلەردٸڭ ٶكٸلدەرٸن تانىمايتىنىن مەلٸمدەپ, تٸكەلەي ٶزٸ سٶيلەسكەن ادامداردان جاۋاپ الۋىن سۇرادى. 

ول Jusan Bank (قازٸرگٸ Alatau City Bank) بانكٸنٸڭ PR-قىزمەتكەرٸ ميحايل ەگوريندٸ شاقىرۋدى ٶتٸندٸ, سەبەبٸ سوتتا بانك مٷددەسٸن قورعايتىن بەيبٸت جوراباەۆپەن جەكە تانىس ەمەس ەكەنٸن العا تارتتى. 

«سٸز جەبٸرلەنۋشٸ ۇيىمداردىڭ ٶكٸلدەرٸن تانىساڭىز دا, تانىماساڭىز دا بولادى. ايىپتاۋ تاراپ ايتىپ وتىرعان وقيعالار كەزٸندە سٸزدٸڭ ول ۇيىمداردىڭ بارلىق قىزمەتكەرلەرٸمەن بايلانىستا بولۋىڭىز مٸندەتتٸ ەمەس», – دەپ جاۋاپ بەردٸ سۋديا سابىرجان كاريموۆ.

سونىمەن قاتار سۋديا بۇل ٶتٸنٸشتٸ سوت كەڭسەسٸنە تٸركەۋٸ كەرەكتٸگٸن ايتتى. 

پەريزات قايراتتىڭ ٶتٸنٸشٸن سوت كەيٸن قارايتىن بولدى.

ايتا كەتەيٸك, بۇل ٸسٸ بويىنشا سوت وتىرىسىندا جەبٸرلەنۋشٸلەردەن جاۋاپ الىنىپ جاتىر.