Jýyrda ǵana shańyraq kótergen kásipker Ersai kúieýi Oljaspen ajyrasý týraly sheshim qabyldaǵanyn málimdedi. Onyń aitýynsha, otbasyndaǵy kelispeýshilikke toida syilanǵan altyn buiymdar men baspananyń kimniń atyna rásimdelgeni sebep bolǵan, dep habarlaidy ult.kz.

Ersai men onyń jaqyndarynyń sózinshe, toidan keiin eki másele tóńireginde daý týǵan. Biri — jas jubailarǵa berilgen altyn buiymdar bolsa, ekinshisi — syiǵa tartylǵan úidiń qujattary.

Kásipkerdiń aitýynsha, bes qaiyn ápkesi men enesi altynǵa qatysty narazylyq bildirgen. Sonymen qatar olar baspananyń nelikten Oljastyń atyna emes, Ersaidyń aǵasynyń atyna rásimdelgenin surap, buǵan kóńilderi tolmaǵanyn jetkizgen.

Ersai qaiyn jurtymen til tabysyp, olardyń jaǵdaiyn jasaýǵa tyrysqanyn aitady. Alaida, óziniń sózinshe, bul áreketteri otbasyndaǵy túsinispeýshilikti sheshýge kómektespegen. Kásipker ózine aýyr sózder aitylǵanyn da jetkizdi.

Osy kelispeýshilikterden keiin Ersai nekesin toqtatý týraly sheshimge kelgenin málimdedi.

Aita keteiik, Dariǵa Badyqova jeke ómirine qatysty alǵash ret ún qatty. 

Ersai kim?

Ersai - Qytaidan kelgen etnikalyq qazaq kásipker. Ol áleýmettik jelide «Ersai» esimimen tanylǵan. Qytaidyń Ile óńirindegi Shapshaly aýdanynda ósken. Nurseiit Jylqyshybaiǵa bergen suhbatynda kásipke 17 jasynan aralasqanyn aitqan.

«Ýaqyt kórsetedi» podkastynda Qazaqstanǵa kelgennen keiin kásibine qoldaý artyp, satyp alýshylary kóbeigenin jetkizgen. Sol suhbatynda 34 jasta ekenin, Qytai azamattyǵy baryn jáne qyzy Qytaida oqitynyn málimdegen.

Kópshilik onyń jeke ómirine ózinen segiz jas kishi Oljaspen shańyraq kótergennen keiin nazar aýdara bastady. Ersai suhbatynda jas aiyrmashylyǵy ekeýiniń qarym-qatynasyna kedergi keltirmeitinin aitqan.