Foto: ashyq derekkóz
"Biz Birgemiz Qazaqstan" qaiyrymdylyq qorynyń basshysy bolǵan Perizat Qairat izoliator qyzmetkerleri ony soqqyǵa jyqqanyn aitty, dep habarlaidy Ult.kz.
Búgin Perizat Qairat isine qatysty aldyn ala sot tyńdaýy ótip, sot tyńdaýy aldynda ol jýrnalisterdiń saýalyna jaýap berdi.
"Men moraldyq turǵydan qatty sharshadym. Maǵan qatysty rezonans bolyp jatyr. Biraq men bul týraly ashyq aitýǵa daiynmyn. Uryp-soǵý faktisi boiynsha qylmystyq is qozǵaldy. Bul izoliator qyzmetkerleri tarapynan jasaldy. Qazir bul týraly tolyq aita almaimyn. Jaǵdaiym jaqsardy", – dedi ol tilshilerge.
Ol qansha ótinish jasaǵanymen, qoǵamdyq qorǵaýshy berilmegenin aityp otyr.
Jýrnalister: "Siz ózińizge taǵylǵan aiyppen kelisesiz be?" dep suraǵan edi, alaidy Perizat Qairat kelispeitinin jetkizdi.
"Joq, árine. Men (kinámdi) moiyndamaimyn. Qazir bárin ashyp aita almaimyn. Ony ózderińiz de túsinesizder", – dedi aiyptalýshy.
