فوتو: اشىق دەرەككٶز
"Biz Birgemiz Qazaqstan" قايىرىمدىلىق قورىنىڭ باسشىسى بولعان پەريزات قايرات يزولياتور قىزمەتكەرلەرٸ ونى سوققىعا جىققانىن ايتتى, دەپ حابارلايدى Ult.kz.
بٷگٸن پەريزات قايرات ٸسٸنە قاتىستى الدىن الا سوت تىڭداۋى ٶتٸپ, سوت تىڭداۋى الدىندا ول جۋرناليستەردٸڭ ساۋالىنا جاۋاپ بەردٸ.
"مەن مورالدىق تۇرعىدان قاتتى شارشادىم. ماعان قاتىستى رەزونانس بولىپ جاتىر. بٸراق مەن بۇل تۋرالى اشىق ايتۋعا دايىنمىن. ۇرىپ-سوعۋ فاكتٸسٸ بويىنشا قىلمىستىق ٸس قوزعالدى. بۇل يزولياتور قىزمەتكەرلەرٸ تاراپىنان جاسالدى. قازٸر بۇل تۋرالى تولىق ايتا المايمىن. جاعدايىم جاقساردى", – دەدٸ ول تٸلشٸلەرگە.
ول قانشا ٶتٸنٸش جاساعانىمەن, قوعامدىق قورعاۋشى بەرٸلمەگەنٸن ايتىپ وتىر.
جۋرناليستەر: "سٸز ٶزٸڭٸزگە تاعىلعان ايىپپەن كەلٸسەسٸز بە?" دەپ سۇراعان ەدٸ, الايدى پەريزات قايرات كەلٸسپەيتٸنٸن جەتكٸزدٸ.
"جوق, ەرينە. مەن (كٸنەمدٸ) مويىندامايمىن. قازٸر بەرٸن اشىپ ايتا المايمىن. ونى ٶزدەرٸڭٸز دە تٷسٸنەسٸزدەر", – دەدٸ ايىپتالۋشى.
