AQSh zymyran soqqysyn jasaǵan Siriianyń "Shairat" áskeri áýe bazasy. 7 sáýir 2017 jyl.
AQSh qorǵanys ministrligi Siriianyń «Shairat» áskeri áýe bazasyna zymyran soqqysy sodan birneshe kún buryn Han-Sheihýn qalasyna himiialyq oq-dári tastaǵan ushaqtar sol bazada ornalasqandyqtan jáne áskeri aerodrom aýmaǵynda buryn himiialyq qarý saqtalǵandyqtan jasaldy dep málimdegen.
Pentagonnyń deregi boiynsha, AQSh kúshteriniń soqqysy nátijesinde áskeri bazadaǵy 20-ǵa jýyq ushaq, zenittik zymyran keshenderi men áskeri ushaqtar turaqtary joiylǵan. Sonymen birge, ishinde himiialyq ýly zattar bolýy yqtimal nysandarǵa soqqy jasalmaǵan.
AQSh juma kúni Siriianyń "Shairat" áskeri áýe bazasyna 59 "Tomogavk" qanatty zymyran atqan. Aq úi bul soqqy sodan úsh kún buryn Siriianyń Han-Sheihýn qalasyndaǵy beibit turǵyndarǵa jasalǵan himiialyq shabýylǵa jaýap dep málimdegen. Ol shabýyl saldarynan gazdan ýlanyp qaza tapqan 80-nen asa adamnyń arasynda balalar bar degen aqparat taraǵan.
Damask himiialyq shabýyl týraly aiyptaýdy joqqa shyǵaryp, "áýe soqqysy kezinde oppozitsiianyń himiialyq qarý-jaraq qory saqtalǵan qoimaǵa bomba túsken" dep sanaidy. Bashar Asad úkimetin qoldaityn Resei de osyndai boljam aitqan.
Azattyq
