اقش زىمىران سوققىسىن جاساعان سيرييانىڭ "شايرات" ەسكەري ەۋە بازاسى. 7 سەۋٸر 2017 جىل.
اقش قورعانىس مينيسترلٸگٸ سيرييانىڭ «شايرات» ەسكەري ەۋە بازاسىنا زىمىران سوققىسى سودان بٸرنەشە كٷن بۇرىن حان-شەيحۋن قالاسىنا حيمييالىق وق-دەرٸ تاستاعان ۇشاقتار سول بازادا ورنالاسقاندىقتان جەنە ەسكەري اەرودروم اۋماعىندا بۇرىن حيمييالىق قارۋ ساقتالعاندىقتان جاسالدى دەپ مەلٸمدەگەن.
پەنتاگوننىڭ دەرەگٸ بويىنشا, اقش كٷشتەرٸنٸڭ سوققىسى نەتيجەسٸندە ەسكەري بازاداعى 20-عا جۋىق ۇشاق, زەنيتتٸك زىمىران كەشەندەرٸ مەن ەسكەري ۇشاقتار تۇراقتارى جويىلعان. سونىمەن بٸرگە, ٸشٸندە حيمييالىق ۋلى زاتتار بولۋى ىقتيمال نىساندارعا سوققى جاسالماعان.
اقش جۇما كٷنٸ سيرييانىڭ "شايرات" ەسكەري ەۋە بازاسىنا 59 "توموگاۆك" قاناتتى زىمىران اتقان. اق ٷي بۇل سوققى سودان ٷش كٷن بۇرىن سيرييانىڭ حان-شەيحۋن قالاسىنداعى بەيبٸت تۇرعىندارعا جاسالعان حيمييالىق شابۋىلعا جاۋاپ دەپ مەلٸمدەگەن. ول شابۋىل سالدارىنان گازدان ۋلانىپ قازا تاپقان 80-نەن اسا ادامنىڭ اراسىندا بالالار بار دەگەن اقپارات تاراعان.
داماسك حيمييالىق شابۋىل تۋرالى ايىپتاۋدى جوققا شىعارىپ, "ەۋە سوققىسى كەزٸندە وپپوزيتسييانىڭ حيمييالىق قارۋ-جاراق قورى ساقتالعان قويماعا بومبا تٷسكەن" دەپ سانايدى. باشار اساد ٷكٸمەتٸن قولدايتىن رەسەي دە وسىنداي بولجام ايتقان.
ازاتتىق
