Pedagogterdi kásibi mindetterine kirmeitin jumys túrlerine tartqandar 120 AEK-ke deiin aippul tóleidi. Bul týraly Bilim jáne ǵylym ministri Ashat Aimaǵanbetov aitty, dep habarlaidy "Ult aqparat".
«Pedagogterdi kásibi mindetterine kirmeitin jumys túrlerine tartý, olardan qyzmettik mindetine kirmeitin máseleler boiynsha aqparat nemese esep talap etý faktileri boiynsha aryz túsken jaǵdaida, QR BǴM Bilim berý sapasyn qamtamasyz etý jónindegi komitetiniń aýmaqtyq departamentteri QSjAEK organdarynda jospardan tys tekserýdi tirkeidi. Tekserýdi uiymǵa baryp nemese qashyqtan júrgizedi», - dedi ministr jelidegi paraqshasynda.
Ashat Aimaǵanbetovtyń aitýynsha, quqyq buzýshylyq faktisin dáleldeitin materialdarǵa mynalar kiredi:
– pedagogterdiń kásibi qyzmetine qatysy joq jumys túrlerine tartylǵanyn rastaityn foto jáne beinejazbalar, hattardyń, buiryqtardyń, aktilerdiń, hattamalardyń kóshirmeleri nemese basqa da materialdar;
– jazbasha tapsyrmalar nemese olardyń kóshirmeleri, buiryqtardyń kóshirmeleri, esep berý nysandarynyń kóshirmeleri men pedagogten bilim berý salasyndaǵy Qazaqstan Respýblikasynyń zańnamasynda kózdelmegen eseptiliktiń nemese aqparattyń talap etilýin rastaityn basqa da materialdar;
– Qazaqstan Respýblikasynyń zańdarynda kózdelmegen tekserýdiń júrgizilgenin rastaityn foto nemese beinejazbalary, kúni, tekserýshi tulǵalardyń aty-jóni, tekserýdiń máni jáne basqa da materialdar;
– taýardyń nemese kórsetiletin qyzmettiń foto nemese beinejazbasy, sondai-aq, satyp alý rásimderi, chekteri, taýarlyq shottar, shot-faktýralar, túbirtekter men basqa da materialdar;
– mektep uiymdastyrmaǵanis-sharalarǵa qatysqanyn rastaityn foto nemese beinejazba, hattardyń, buiryqtardyń, aktilerdiń, hattamalardyń kóshirmeleri nemese pedagogtiń is-sharalarǵa jiberilgenin rastaityn basqa da materialdar buzýshylyq jasaý faktisin dáleldeidi.
«Eger alǵash ret buzýshylyq jasaǵan adam kinásin moiyndasa, Komitet jáne onyń aýmaqtyq organy ákimshilik quqyq buzýshylyq týraly hattama toltyrmaidy, biraq kináli adamǵa eskertý jasaý týraly qaýly shyǵarady. Buzýshylyqqa qaita jol bergen adamǵa qatysty ákimshilik quqyq buzýshylyq týraly hattama toltyrylady jáne ákimshilik aiyppul salynady. Onyń kólemi 20-dan 120 AEK-ke deiin», - dep tolyqtyrdy ministr.
