1 qyrkúiekten bastap dene shynyqtyrý muǵalimderine ústemeaqy tólene bastaidy. Bul týraly QR Bilim jáne ǵylym ministri Ashat Aimaǵambetov aitty, dep habarlaidy QazAqparat.
«Taǵy bir másele - dene shynyqtyrý muǵalimderine tólenetin qosymsha qarajat. Bul máselege qatysty da biraz suraq týyndap jatqanyn bilemin. «Qashan tóleidi? Ne úshin tóleidi? Ol úshin ne isteý kerek?» degen siiaqty suraqtar bar. Josparymyzǵa sáikes, eń aldymen bul 1 qyrkúiekten qolǵa alynady. Ekinshiden, bul jai ǵana dene shynyqtyrý páni bolǵany úshin tólenetin qarajat emes. Ol - jumasyna úsh saǵat sabaqty sektsiia retinde qosymsha ótkizgeni úshin tólenetin, jýrnalǵa jazylatyn ústemeaqy», - dedi Ashat Aimaǵambetov respýblikalyq pedagogikalyq keńeste.
Onyń atap ótýinshe, bul máselege qatysty tiisti normativtik-quqyqtyq qujattarǵa ózgerister engizilgen.
Sonymen qatar ministr endigi ýaqytta muǵalimderdi jumysqa qabyldaý jańa formatta júzege asyrylatynyn atap ótti.
«Pedagogtardy konkýrs arqyly qabyldaý da - jańa norma. Osy aidyń sońynda muǵalimderdi jumysqa qabyldaý erejesi týraly buiryq shyǵady dep oilaimyn. Osyǵan deiin zańǵa ózgertý engizilgen bolatyn», - dedi ol.
