1 قىركٷيەكتەن باستاپ دەنە شىنىقتىرۋ مۇعالٸمدەرٸنە ٷستەمەاقى تٶلەنە باستايدى. بۇل تۋرالى قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«تاعى بٸر مەسەلە - دەنە شىنىقتىرۋ مۇعالٸمدەرٸنە تٶلەنەتٸن قوسىمشا قاراجات. بۇل مەسەلەگە قاتىستى دا بٸراز سۇراق تۋىنداپ جاتقانىن بٸلەمٸن. «قاشان تٶلەيدٸ? نە ٷشٸن تٶلەيدٸ? ول ٷشٸن نە ٸستەۋ كەرەك?» دەگەن سيياقتى سۇراقتار بار. جوسپارىمىزعا سەيكەس, ەڭ الدىمەن بۇل 1 قىركٷيەكتەن قولعا الىنادى. ەكٸنشٸدەن, بۇل جاي عانا دەنە شىنىقتىرۋ پەنٸ بولعانى ٷشٸن تٶلەنەتٸن قاراجات ەمەس. ول - جۇماسىنا ٷش ساعات ساباقتى سەكتسييا رەتٸندە قوسىمشا ٶتكٸزگەنٸ ٷشٸن تٶلەنەتٸن, جۋرنالعا جازىلاتىن ٷستەمەاقى», - دەدٸ اسحات ايماعامبەتوۆ رەسپۋبليكالىق پەداگوگيكالىق كەڭەستە.
ونىڭ اتاپ ٶتۋٸنشە, بۇل مەسەلەگە قاتىستى تيٸستٸ نورماتيۆتٸك-قۇقىقتىق قۇجاتتارعا ٶزگەرٸستەر ەنگٸزٸلگەن.
سونىمەن قاتار مينيستر ەندٸگٸ ۋاقىتتا مۇعالٸمدەردٸ جۇمىسقا قابىلداۋ جاڭا فورماتتا جٷزەگە اسىرىلاتىنىن اتاپ ٶتتٸ.
«پەداگوگتاردى كونكۋرس ارقىلى قابىلداۋ دا - جاڭا نورما. وسى ايدىڭ سوڭىندا مۇعالٸمدەردٸ جۇمىسقا قابىلداۋ ەرەجەسٸ تۋرالى بۇيرىق شىعادى دەپ ويلايمىن. وسىعان دەيٸن زاڭعا ٶزگەرتۋ ەنگٸزٸلگەن بولاتىن», - دەدٸ ول.
