Elimizde mektep bitirgen túlekterdiń arasynda pedagogika mamandyǵyn tańdaýshy túlekterdiń sany artqan. Bul týraly QR Bilim jáne ǵylym ministri Ashat Aimaǵambetov málim etti, dep habarlaidy "Ult aqparat".
«Ózderińiz biletindei Memleket basshysynyń tapsyrmasyna sáikes pedagogtardyń mártebesi týraly zań qabyldandy. Zańǵa qatysty syn pikirler de kóp boldy. Degenmen zań aiasyndaǵy jumystar bastalyp ketti. Atap aitsaq, biylǵy UBT (Ulttyq biryńǵai testileý) nátijesinde pedagogika mamandyǵyn tańdaǵan túlekterdiń sany artyp otyr. Sol siiaqty pedagog mamandyqtary boiynsha UBT nátijesiniń ortasha kórsetkishi ósti. Buǵan deiin pedagog mamandyqtaryna 50 balmen túsý múmkin bolsa, biyl ol kórsetkish 70 baldy qurap otyr. Sondai-aq, mektepti Altyn belgimen bitirip, ustazdyq mamandyqty tańdaǵan túlekterdiń de úlesi 2 esege ósti. Bul degenimiz pedagogika mamandyǵyna degen qyzyǵýshylyq pen suranystyń baryn kórsetedi», - dedi Ashat Aimaǵambetov Prezidenttik jastar kadrlyq rezervi múshelerimen kezdesý barysynda.
