Shákirtaqysy joǵary dep pedagogika mamandyǵyn tańdaý - durys emes. Bul týraly halyqqa esep berý kezdesýinde Bilim jáne ǵylym ministri Ashat Aimaǵambetov aitty, dep habarlaidy "Ult aqparat".
Búgin halyqqa esep berý kezdesýin ótkizgen ministrden agrotehnika salasynda 3-kýrs oqyp júrgen stýdentterdiń biri bolashaq pedagogtardyń 42 myń teńge shákirtaqy alatyndyǵyn aita kele, mamandyq aýystyrý múmkindigin suraǵan edi.
«Pedagogikalyq baǵytqa tek stipendiia úshin aýysýdyń qajeti joq. Pedagogika mamandyǵyna ustaz bolýdy armandaǵan, ishki dúniesiniń daiyndyǵy bar adamdar barýy kerek. Al stipendiiasy 42 myń teńge, basqalardan eki ese joǵary dep barmaq bolsańyz, onda mamandyq aýystyrýǵa keńes bermeimin. Buǵan qosa, siz mysaly veterinariia mamandyǵy boiynsha 2-3 jyl oqyp, endi pedagogikalyq mamandyqqa kóshemin deýińiz durys emes. Onyń ústine mundai múmkindik te bolmaidy. Birinshiden, kezinde tapsyrǵan UBT balyńyz 75-ten joǵary bolýy tiis. Ekinshiden, prerekvizitter bar. Mamandyqtardyń bir-birine sáikestigi, buryn oqyǵan pánderińizdiń sáikestigi bolýy tiis jáne basqa da talap qoiylady. Sondyqtan meniń oiymsha, ary qarai da tańdaǵan oqýyńyzdy jalǵastyryp, maman bolyp shyǵasyz dep úmittenemin», - dep jaýap berdi Ashat Aimaǵambetov.
Sonymen qatar ministr pedagogika mamandyǵyna eń myqty, eń bilimdi, eń bilikti túlekterdi oqýǵa túsýge shaqyrdy.
«Bul baǵytta tiisti yntalandyrý jumysyn da júrgizip jatyrmyz. Sondyqtan pedagogika mamandyǵyna eń myqty túlekter túsip, myqty mamandar bilip alyp, mektepterge jumys isteýge barady dep úmittenemin», - dedi ol.
