شەكٸرتاقىسى جوعارى دەپ پەداگوگيكا ماماندىعىن تاڭداۋ - دۇرىس ەمەس. بۇل تۋرالى حالىققا ەسەپ بەرۋ كەزدەسۋٸندە بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات".
بٷگٸن حالىققا ەسەپ بەرۋ كەزدەسۋٸن ٶتكٸزگەن مينيستردەن اگروتەحنيكا سالاسىندا 3-كۋرس وقىپ جٷرگەن ستۋدەنتتەردٸڭ بٸرٸ بولاشاق پەداگوگتاردىڭ 42 مىڭ تەڭگە شەكٸرتاقى الاتىندىعىن ايتا كەلە, ماماندىق اۋىستىرۋ مٷمكٸندٸگٸن سۇراعان ەدٸ.
«پەداگوگيكالىق باعىتقا تەك ستيپەندييا ٷشٸن اۋىسۋدىڭ قاجەتٸ جوق. پەداگوگيكا ماماندىعىنا ۇستاز بولۋدى ارمانداعان, ٸشكٸ دٷنيەسٸنٸڭ دايىندىعى بار ادامدار بارۋى كەرەك. ال ستيپەنديياسى 42 مىڭ تەڭگە, باسقالاردان ەكٸ ەسە جوعارى دەپ بارماق بولساڭىز, وندا ماماندىق اۋىستىرۋعا كەڭەس بەرمەيمٸن. بۇعان قوسا, سٸز مىسالى ۆەتەرينارييا ماماندىعى بويىنشا 2-3 جىل وقىپ, ەندٸ پەداگوگيكالىق ماماندىققا كٶشەمٸن دەۋٸڭٸز دۇرىس ەمەس. ونىڭ ٷستٸنە مۇنداي مٷمكٸندٸك تە بولمايدى. بٸرٸنشٸدەن, كەزٸندە تاپسىرعان ۇبت بالىڭىز 75-تەن جوعارى بولۋى تيٸس. ەكٸنشٸدەن, پرەرەكۆيزيتتەر بار. ماماندىقتاردىڭ بٸر-بٸرٸنە سەيكەستٸگٸ, بۇرىن وقىعان پەندەرٸڭٸزدٸڭ سەيكەستٸگٸ بولۋى تيٸس جەنە باسقا دا تالاپ قويىلادى. سوندىقتان مەنٸڭ ويىمشا, ارى قاراي دا تاڭداعان وقۋىڭىزدى جالعاستىرىپ, مامان بولىپ شىعاسىز دەپ ٷمٸتتەنەمٸن», - دەپ جاۋاپ بەردٸ اسحات ايماعامبەتوۆ.
سونىمەن قاتار مينيستر پەداگوگيكا ماماندىعىنا ەڭ مىقتى, ەڭ بٸلٸمدٸ, ەڭ بٸلٸكتٸ تٷلەكتەردٸ وقۋعا تٷسۋگە شاقىردى.
«بۇل باعىتتا تيٸستٸ ىنتالاندىرۋ جۇمىسىن دا جٷرگٸزٸپ جاتىرمىز. سوندىقتان پەداگوگيكا ماماندىعىنا ەڭ مىقتى تٷلەكتەر تٷسٸپ, مىقتى ماماندار بٸلٸپ الىپ, مەكتەپتەرگە جۇمىس ٸستەۋگە بارادى دەپ ٷمٸتتەنەمٸن», - دەدٸ ول.
