Geologiialyq barlaý aiasynda 2020 jyly alǵash ret memlekettik balansqa 20 ken orny qoiyldy. Bul týraly Ekologiia, geologiia jáne tabiǵi resýrstar ministrliginiń alqa májilisinde osy vedomstvonyń vitse-ministri Serikqali Brekeshev málim etti, dep habarlaidy "Ult aqparat".
«Jer qoinaýyn paidalanýshylardyń geologiialyq barlaý jumystarynyń nátijesinde 2020 jyly alǵash ret memlekettik balansqa 20 ken orny qoiyldy. Sonyń ishinde qatty paidaly qazbalar – 9, kómirsýtek shikizaty – 6, jer asty sýlary – 5», - dedi vitse-ministr.
Ol 2020 jyly paidaly qazbalar qorynyń óskenin málim etti. Atap aitqanda, 111,5 tonna altyn, 55,4 myń tonna ýran, 13,8 mln tonna temir keni jáne 31,7 mln tonna munai.
«Jer qoinaýyn jáne jer qoinaýyn paidalaný týraly» Kodeksti iske asyrý úshin jer qoinaýyn geologiialyq zertteýge 22 litsenziia, sondai-aq jer qoinaýy keńestigin paidalanýǵa eki litsenziia berildi», - dedi S. Brekeshev.
Onyń aitýynsha, jer qoinaýynyń memlekettik qoryn basqarý baǵdarlamasyn qalyptastyrý boiynsha josparly jumystar júzege asyryldy. Qatty paidaly qazbalardy, keń taralǵan qazbalardy jáne kómirsýtek shikizatyn barlaýǵa ári óndirýge 597 nysan engizilgen.
