Foto: ashyq derekkóz
Pavlodarlyq kásipkerdi asqan qatygezdikpen óltirdi degen kúdikke ilingen Qazaqstan azamaty Resei Federatsiiasynan elge ekstraditsiialandy. Bul aqparatty QR Bas prokýratýrasy málimdedi, dep habarlaidy Ult.kz.
Resmi derekke sáikes, biyl 21 aqpanda kásipker jumysqa shyǵyp ketip, sol kúii bailanysqa shyqpaǵan. Jaqyndary onyń habar-osharsyz joǵalýyna bailanysty politsiiaǵa shaǵymdanǵan.
Sotqa deiingi tergeý barysynda marqum sol kúni Pavlodarda kúdiktimen onyń úiiniń aýlasynda kezdeskeni anyqtaldy. Tergeýshilerdiń málimetinshe, ekeýiniń arasynda qarjylyq daýǵa bailanysty janjal shyǵyp, kúdikti kásipkerdiń beti men keýdesine 22 ret pyshaq suqqan. Jábirlenýshi sol jerde qaza tapqan.
Qylmystyń izin jasyrmaq bolǵan kúdikti marqumnyń denesin jáne avtokóligin óziniń garajyna jasyryp, keiin Qazaqstan aýmaǵynan jasyryn shyǵyp ketken.
Biyl naýryz aiynda ol Resei aýmaǵynda ustalyp, Bas prokýratýranyń suraýy boiynsha Qazaqstanǵa ekstraditsiialandy. Qazirgi ýaqytta kúdikti tergeý izoliatorynda qamaýda.
Oǵan taǵylǵan aiyp boiynsha 8 jyldan 15 jylǵa deiin bas bostandyǵynan aiyrý jazasy kózdelgen.
