فوتو: اشىق دەرەككٶز
پاۆلودارلىق كەسٸپكەردٸ اسقان قاتىگەزدٸكپەن ٶلتٸردٸ دەگەن كٷدٸككە ٸلٸنگەن قازاقستان ازاماتى رەسەي فەدەراتسيياسىنان ەلگە ەكستراديتسييالاندى. بۇل اقپاراتتى قر باس پروكۋراتۋراسى مەلٸمدەدٸ, دەپ حابارلايدى Ult.kz.
رەسمي دەرەككە سەيكەس, بيىل 21 اقپاندا كەسٸپكەر جۇمىسقا شىعىپ كەتٸپ, سول كٷيٸ بايلانىسقا شىقپاعان. جاقىندارى ونىڭ حابار-وشارسىز جوعالۋىنا بايلانىستى پوليتسيياعا شاعىمدانعان.
سوتقا دەيٸنگٸ تەرگەۋ بارىسىندا مارقۇم سول كٷنٸ پاۆلوداردا كٷدٸكتٸمەن ونىڭ ٷيٸنٸڭ اۋلاسىندا كەزدەسكەنٸ انىقتالدى. تەرگەۋشٸلەردٸڭ مەلٸمەتٸنشە, ەكەۋٸنٸڭ اراسىندا قارجىلىق داۋعا بايلانىستى جانجال شىعىپ, كٷدٸكتٸ كەسٸپكەردٸڭ بەتٸ مەن كەۋدەسٸنە 22 رەت پىشاق سۇققان. جەبٸرلەنۋشٸ سول جەردە قازا تاپقان.
قىلمىستىڭ ٸزٸن جاسىرماق بولعان كٷدٸكتٸ مارقۇمنىڭ دەنەسٸن جەنە اۆتوكٶلٸگٸن ٶزٸنٸڭ گاراجىنا جاسىرىپ, كەيٸن قازاقستان اۋماعىنان جاسىرىن شىعىپ كەتكەن.
بيىل ناۋرىز ايىندا ول رەسەي اۋماعىندا ۇستالىپ, باس پروكۋراتۋرانىڭ سۇراۋى بويىنشا قازاقستانعا ەكستراديتسييالاندى. قازٸرگٸ ۋاقىتتا كٷدٸكتٸ تەرگەۋ يزولياتورىندا قاماۋدا.
وعان تاعىلعان ايىپ بويىنشا 8 جىلدان 15 جىلعا دەيٸن باس بوستاندىعىنان ايىرۋ جازاسى كٶزدەلگەن.
