Pavlodar qalasynyń politsiiasy balasyna aliment qaryz áieldi anyqtady. Anasynyń bala aldyndaǵy boryshy 13 jyl boiy ótelmegen, dep habarlaidy «Ult aqparat»
«13 jyldan beri kámeletke tolmaǵan balasyn asyraýǵa qarajat tóleý jónindegi sot sheshimin oryndamady degen kúdikpen Pavlodar qalasynyń turǵyny anyqtaldy. Qazirgi ýaqytta atalǵan fakti boiynsha sotqa deiingi tergeý júrip jatyr», – deidi Pavlodar oblystyq politsiia departamenti bastyǵynyń birinshi orynbasary Jasqairat Qaiyrov.
Onyń aitýynsha, 2021 jyldyń basynan beri óńirde osyndai bes fakti tirkelgen.
«Bizdiń elimizde aliment tólemeý máselesi uzaq ýaqyttan beri tek otbasy ishinde ǵana emes, sonymen qatar memlekettik problemaǵa ainaldy. Sot sheshimine qaramastan, kóptegen jaýapsyz azamattardyń aliment qaryzy jyl saiyn ósip keledi, al keibireýlerinde aitarlyqtai somaǵa qol jetkizildi», - dep túsindirdi J.Qaiyrov.
