پاۆلودار قالاسىنىڭ پوليتسيياسى بالاسىنا اليمەنت قارىز ەيەلدٸ انىقتادى. اناسىنىڭ بالا الدىنداعى بورىشى 13 جىل بويى ٶتەلمەگەن, دەپ حابارلايدى «ۇلت اقپارات»
«13 جىلدان بەرٸ كەمەلەتكە تولماعان بالاسىن اسىراۋعا قاراجات تٶلەۋ جٶنٸندەگٸ سوت شەشٸمٸن ورىندامادى دەگەن كٷدٸكپەن پاۆلودار قالاسىنىڭ تۇرعىنى انىقتالدى. قازٸرگٸ ۋاقىتتا اتالعان فاكتٸ بويىنشا سوتقا دەيٸنگٸ تەرگەۋ جٷرٸپ جاتىر», – دەيدٸ پاۆلودار وبلىستىق پوليتسييا دەپارتامەنتٸ باستىعىنىڭ بٸرٸنشٸ ورىنباسارى جاسقايرات قايىروۆ.
ونىڭ ايتۋىنشا, 2021 جىلدىڭ باسىنان بەرٸ ٶڭٸردە وسىنداي بەس فاكتٸ تٸركەلگەن.
«بٸزدٸڭ ەلٸمٸزدە اليمەنت تٶلەمەۋ مەسەلەسٸ ۇزاق ۋاقىتتان بەرٸ تەك وتباسى ٸشٸندە عانا ەمەس, سونىمەن قاتار مەملەكەتتٸك پروبلەماعا اينالدى. سوت شەشٸمٸنە قاراماستان, كٶپتەگەن جاۋاپسىز ازاماتتاردىڭ اليمەنت قارىزى جىل سايىن ٶسٸپ كەلەدٸ, ال كەيبٸرەۋلەرٸندە ايتارلىقتاي سوماعا قول جەتكٸزٸلدٸ», - دەپ تٷسٸندٸردٸ ج.قايىروۆ.
