Sońǵy ailarda pavlodarlyq sanaviatsiiaǵa jol apatynan, kóshelerde jáne turmystyq jaǵdaida jaraqat alý týraly qońyraýlar kóptep túsýde, dep habarlaidy "Ult aqparat".
«Pavlodardyń sanitarlyq aviatsiiasy kúsheitilgen jumys rejimine kóshti», – deidi Pavlodar oblystyq jedel járdem stantsiiasynyń baspasóz qyzmeti.
Naýqastardyń jaǵdaiynyń nasharlaýyna jol bermeý maqsatynda sanitarlyq aviatsiia reanimobilge qaraǵanda áýe kemelerin jii qoldanýǵa tyrysady.
Jaqynda sanaviatsiia dárigerleri Aqqýly aýdany men Ekibastuz qalasyna eki ret ushyp shyqty. Oblystyq jedel járdem stantsiiasynyń quramyna kiretin sanaviatsiia sońǵy ailarda jol-kólik oqiǵalary saldarynan, kóshelerde jáne turmystyq jaǵdailarda jaraqat alýǵa bailanysty qońyraýlar jii túsetindigin aitty. Budan bólek, sanitariialyq aviatsiianyń kómegi shala týǵan jáne jańa týǵan balalarǵa, sondai-aq júkti áielderge jii qajet bolyp jatady.
«Biz patsientterdi tasymaldaý ýaqytyn azaitý jáne olardyń densaýlyǵyn saqtaý úshin meditsina qyzmetkerlerin áýe kóligimen baǵyttaýǵa tyrysamyz, – dedi Pavlodar sanitarlyq aviatsiia bóliminiń meńgerýshisi Almagúl Besembinova. – Qyzmetimizdiń shtatyna óńirdiń joǵary bilikti dárigerleri kiredi. Olar turǵylyqty jer boiynsha da, tasymaldaý kezinde de kómek kórsete alady».
Jeltoqsan aiynyń basynan bastap sanitarlyq aviatsiia jeti ret kómekke ushyp shyqty. Bir kún buryn áýe kemesi Pavlodarǵa birden eki patsientti jetkizdi.
Aqqýly aýylynan sýbarahnoidaldyq qan quiylýmen 47 jastaǵy áiel jetkizildi. Al Ekibastuzda miokard infarktisin basynan ótkergen 60 jastaǵy naýqasqa sanaviatsiia qyzmetkerleriniń kómegi qajet boldy: trombolitikalyq terapiia men kardiogendi shoktan keiin ony shuǵyl túrde oblystyq kardiologiialyq ortalyqqa jetkizý kerek boldy», – dep tolyqtyrdy Pavlodar oblystyq jedel járdem stantsiiasynyń baspasóz qyzmeti.
Pavlodar sanitariialyq aviatsiiasynyń qyzmetinde eki áýe kemesi bar: AN-2 ushaǵy jáne ES-145 tikushaǵy».
