Pavlodar oblysynda óndiristik apattan qaza tapqan azamattardyń otbasylaryna jáne zardap shekken qyzmetkerge qajetti qoldaý kórsetiledi, dep habarlaidy ult.kz.
20 shilde kúni Pavlodar oblysynyń Aqtoǵai aýdanyndaǵy «AQTOGAI MILK» JShS aýmaǵynda óndiristik jabdyqtarǵa qyzmet kórsetý kezinde jazataiym oqiǵa bolyp, saldarynan alty adam kóz jumdy. Taǵy bir qyzmetker túrli jaraqatpen aýrýhanaǵa jetkizilip, dárigerlerdiń baqylaýynda em qabyldap jatyr.
Oqiǵanyń sebepteri men mán-jaiyn anyqtaý úshin Úkimettiń tapsyrmasymen arnaiy komissiia quryldy. Onyń quramyna Eńbek jáne halyqty áleýmettik qorǵaý, Tótenshe jaǵdailar, Ishki ister, Densaýlyq saqtaý, Ekologiia jáne tabiǵi resýrstar, Aýyl sharýashylyǵy ministrlikteriniń, sondai-aq Pavlodar oblysy ákimdiginiń ókilderi endi.
Komissiiaǵa jazataiym oqiǵanyń barlyq mán-jaiyn jan-jaqty zerttep, sebepterin anyqtaý jáne osyndai qaiǵyly jaǵdailardyń aldyn alýǵa baǵyttalǵan naqty usynystar ázirleý tapsyryldy.
Úkimettiń málimetinshe, qaza tapqan qyzmetkerlerdiń otbasylary men zardap shekken azamatqa memlekettik organdar jáne jumys berýshi tarapynan qajetti qoldaý kórsetiledi. Kompaniia materialdyq kómek berýmen qatar, biylǵy jyldyń sońyna deiin qaza bolǵan qyzmetkerlerdiń jalaqysy kólemindegi tólemderdi saqtaýǵa jáne olardyń nesie mindettemelerin óteýge mindetteme alǵan.
Sonymen birge jumys berýshi qaza tapqan qyzmetkerlerdiń kámeletke tolmaǵan balalarynyń kámelettik jasqa tolǵanǵa deiingi kútimi men bilim alýyna bailanysty barlyq shyǵyndy óz moinyna alatynyn málimdedi.
Eńbek jáne halyqty áleýmettik qorǵaý ministri Asqarbek Ertaev Pavlodar oblysyna baryp, oqiǵa ornynda bolyp, óńir basshylyǵy men memlekettik jáne quqyq qorǵaý organdarynyń qatysýymen úilestirý keńesin ótkizdi. Sondai-aq ministr qaza tapqandardyń týystarymen kezdesip, kóńil aityp, memleket tarapynan qajetti qoldaý tolyq kórsetiletinin jetkizdi.
Qazirgi ýaqytta atalǵan derek boiynsha Qazaqstan Respýblikasy Qylmystyq kodeksiniń 156-babynyń 4-bóligi («Eńbekti qorǵaý qaǵidalaryn buzý») boiynsha sotqa deiingi tergep-tekserý bastaldy. Tergeý barysy Úkimettiń baqylaýynda bolady.
