Pavlodarda órt kezinde er adam qaza tapty. Eki adam janyp jatqan páterden syrtqa shyǵyp úlgergen, dep habarlaidy QazAqparat Pavlodarnews-ke silteme jasap.
Oblystyq TJD baspasóz qyzmetiniń málimetinshe, búgin túnde saǵat 03:01-de Ýkrainskaia kóshesi, 97 mekenjaiy boiynsha órt týraly qońyraý túsken. Bes qabatty turǵyn úidiń besinshi qabatynda tórt bólmeli páterde 8 sharshy metr aýmaqta jihaz janyp ketken.
Órt sóndirýshiler kelgenge deiin páter iesi, 1962 jyly týǵan er adam men jubaiy - 1966 jyly týǵan áiel ózdiginen syrtqa shyqqan. Apattar meditsinasy ortalyǵynyń brigadasy olarǵa alǵashqy dárigerge deiingi kómek kórsetken soń Pavlodar qalasynyń № 1 aýrýhanasyna jetkizdi.
- Órt sóndirýshiler as úiden páter iesiniń tirshilik belgileri joq 1987 jylǵy ulynyń denesin tapty, - delingen habarlamada.
Órt sóndirýshiler podezden 12 adamdy, onyń ishinde 2 balany evakýatsiialady. Órt saǵat 03.47-de sóndirildi. Boljam boiynsha, órttiń shyǵýyna temeki shegý kezindegi abaisyzdyq sebep bolǵan. Ólimniń sebebi men keltirilgen shyǵyn kólemi anyqtalýda.
Oqiǵa ornynda jeke quramnan 22 qyzmetker jáne 7 tehnika, TJD synaý órt zerthanasy, apattar meditsinasy ortalyǵy, «102» qyzmeti jumys istedi.
