پاۆلوداردا ٶرت كەزٸندە ەر ادام قازا تاپتى. ەكٸ ادام جانىپ جاتقان پەتەردەن سىرتقا شىعىپ ٷلگەرگەن, دەپ حابارلايدى قازاقپارات Pavlodarnews-كە سٸلتەمە جاساپ.
وبلىستىق تجد باسپاسٶز قىزمەتٸنٸڭ مەلٸمەتٸنشە, بٷگٸن تٷندە ساعات 03:01-دە ۋكراينسكايا كٶشەسٸ, 97 مەكەنجايى بويىنشا ٶرت تۋرالى قوڭىراۋ تٷسكەن. بەس قاباتتى تۇرعىن ٷيدٸڭ بەسٸنشٸ قاباتىندا تٶرت بٶلمەلٸ پەتەردە 8 شارشى مەتر اۋماقتا جيھاز جانىپ كەتكەن.
ٶرت سٶندٸرۋشٸلەر كەلگەنگە دەيٸن پەتەر يەسٸ, 1962 جىلى تۋعان ەر ادام مەن جۇبايى - 1966 جىلى تۋعان ەيەل ٶزدٸگٸنەن سىرتقا شىققان. اپاتتار مەديتسيناسى ورتالىعىنىڭ بريگاداسى ولارعا العاشقى دەرٸگەرگە دەيٸنگٸ كٶمەك كٶرسەتكەن سوڭ پاۆلودار قالاسىنىڭ № 1 اۋرۋحاناسىنا جەتكٸزدٸ.
- ٶرت سٶندٸرۋشٸلەر اس ٷيدەن پەتەر يەسٸنٸڭ تٸرشٸلٸك بەلگٸلەرٸ جوق 1987 جىلعى ۇلىنىڭ دەنەسٸن تاپتى, - دەلٸنگەن حابارلامادا.
ٶرت سٶندٸرۋشٸلەر پودەزدەن 12 ادامدى, ونىڭ ٸشٸندە 2 بالانى ەۆاكۋاتسييالادى. ٶرت ساعات 03.47-دە سٶندٸرٸلدٸ. بولجام بويىنشا, ٶرتتٸڭ شىعۋىنا تەمەكٸ شەگۋ كەزٸندەگٸ ابايسىزدىق سەبەپ بولعان. ٶلٸمنٸڭ سەبەبٸ مەن كەلتٸرٸلگەن شىعىن كٶلەمٸ انىقتالۋدا.
وقيعا ورنىندا جەكە قۇرامنان 22 قىزمەتكەر جەنە 7 تەحنيكا, تجد سىناۋ ٶرت زەرتحاناسى, اپاتتار مەديتسيناسى ورتالىعى, «102» قىزمەتٸ جۇمىس ٸستەدٸ.
