Pavlodar oblysynda sút fermasynda alty jumysshynyń qaza bolýyna bailanysty úsh kúdikti ustalyp, ýaqytsha ustaý izoliatoryna qamaldy. Olardyń arasynda «Aktogai Milk» JShS bas direktory, Pavlodar oblystyq máslihatynyń depýtaty Aleksandr Terentevtiń bar ekeni habarlandy.
Pavlodar oblysynyń politsiia departamenti bul derek boiynsha sotqa deiingi tergeý júrgizilip jatqanyn rastady. Alaida vedomstvo ustalǵandardyń naqty kim ekenin tergeý múddesine bailanysty jariialamady.
Oqiǵa 20 shildede Pavlodar oblysy Jolaman aýylyndaǵy «Aktogai Milk» JShS aýmaǵynda bolǵan. Aldyn ala málimet boiynsha, káriz qudyǵynda jóndeý jumystaryn júrgizý kezinde adamdar ýly zattan ýlanyp, qaza bolýy múmkin.
Qaitys bolǵan alty adamnyń arasynda 17 jastaǵy mektep oqýshysy da bolǵan. Taǵy bir, 38 jastaǵy jumysshy zardap shegip, aýrýhanaǵa jetkizilgen.
Aldyn ala aqparat boiynsha, ustalǵandardyń qatarynda kásiporynnyń atqarýshy direktory men eńbek qaýipsizdigi jónindegi injeneri de bar.
Tergeý barysynda qaiǵyly jaǵdaidyń barlyq mán-jaiy anyqtalyp jatyr.
Buǵan deiin 17 jastaǵy jasóspirimniń kásiporynda resmi túrde baǵban bolyp jumys istegeni jáne oqiǵa bolǵan jerde bolmaýy tiis bolǵany habarlanǵan.
Aleksandr Terentev buǵan deiin qaza bolǵandardyń otbasylaryna kómek kórsetiletinin málimdegen. 9 tamyzda ol qaza tapqan qyzmetkerlerdiń otbasylaryna 10 mln teńgeden birjolǵy tólem berilgenin habarlady. Tórt balaǵa kámeletke tolǵanǵa deiin ai saiynǵy tólem taǵaiyndalǵan.
Sondai-aq qyrkúiek aiynyń sońyna deiin qaza bolǵandardyń balalaryna Pavlodardan páter satyp alý jáne otbasylarynyń nesielerin óteýge shamamen 30 mln teńge bólý josparlanǵan.
Tergeý jalǵasyp jatyr.
