Pavlodar politseileri jedel járdem qyzmetkerleriniń kóshedegi adamdy uryp-soqqany túsirilgen videony tekserip jatyr, - dep habarlaidy Tengrinews.kz tilshisi.7
Pavlodarda túsirilgen video áleýmettik jelilerde taralǵan bolatyn. Videodaǵy kadrlardan jedel járdem qyzmetkeriniń jerde jatqan adamdy uryp jatqany kórinedi. Keiinirek ol taǵy bir áriptesimen er adamdy joldyń boiyna iterip tastap, ári qarai uryp soǵady.
Ótip bara jatqan adamdar muny toqtatpaq bolady, biraq, videoǵa qaraǵanda, jedel járdem qyzmetkeri olardyń aitqanyn tyńdamaǵan da. Video sońynda qyzmetker jerde jatqan er adamdy ózimen birge alyp ketedi.
Pavlodar oblystyq politsiia departamentiniń baspasóz qyzmeti bul derektiń tirkelgenin jáne qazirgi ýaqytta qyzmetkerlerdiń ony tekserip jatqanyn habarlady.
"Osy derek boiynsha tekseris júrip jatyr", - dep habarlady oblystyq IID baspasóz qyzmeti.
