Pavlodarda qyzdy kirpishpen urǵan er adam ustaldy, dep habarlaidy QazAqparat Ishki ister ministrligine silteme jasap.
«Politsiia qyzmetkerleri kúdikti er adamdy ustady. Ol Pavlodar qalasynyń 27 jastaǵy turǵyny bolyp shyqty. Sotqa deiingi óndiristi júrgizý barysynda bul er adamnyń qyzdyń uialy telefonyn tartyp alǵysy kelgeni anyqtaldy. Tergeý qaraqshylyq shabýyl faktisi boiynsha júrip jatyr. Kúdikti Pavlodar qalasynyń ýaqytsha ustaý izoliatoryna qamaldy», – dep habarlady Pavlodar oblysy politsiia departamenti bastyǵynyń orynbasary Rashad Óteýov.
Esterińizge sala keteiik, 23 tamyzda Pavlodar qalasynyń ortalyq politsiia bólimine 20 jastaǵy pavlodarlyq qyz júgingen bolatyn.
Azamatsha 21 tamyzda saǵat 01:10-da úidiń kireberisinde ózin kirpishpen urǵan belgisiz adamǵa shara qoldanýdy surady.
Osydan keiin jábirlenýshiniń kesh júginýine qaramastan jedel izdestirý sharalary barysynda politsiia kúdiktiniń aty-jónin anyqtady.
