پاۆلوداردا قىزدى كٸرپٸشپەن ۇرعان ەر ادام ۇستالدى, دەپ حابارلايدى قازاقپارات ٸشكٸ ٸستەر مينيسترلٸگٸنە سٸلتەمە جاساپ.
«پوليتسييا قىزمەتكەرلەرٸ كٷدٸكتٸ ەر ادامدى ۇستادى. ول پاۆلودار قالاسىنىڭ 27 جاستاعى تۇرعىنى بولىپ شىقتى. سوتقا دەيٸنگٸ ٶندٸرٸستٸ جٷرگٸزۋ بارىسىندا بۇل ەر ادامنىڭ قىزدىڭ ۇيالى تەلەفونىن تارتىپ العىسى كەلگەنٸ انىقتالدى. تەرگەۋ قاراقشىلىق شابۋىل فاكتٸسٸ بويىنشا جٷرٸپ جاتىر. كٷدٸكتٸ پاۆلودار قالاسىنىڭ ۋاقىتشا ۇستاۋ يزولياتورىنا قامالدى», – دەپ حابارلادى پاۆلودار وبلىسى پوليتسييا دەپارتامەنتٸ باستىعىنىڭ ورىنباسارى راشاد ٶتەۋوۆ.
ەستەرٸڭٸزگە سالا كەتەيٸك, 23 تامىزدا پاۆلودار قالاسىنىڭ ورتالىق پوليتسييا بٶلٸمٸنە 20 جاستاعى پاۆلودارلىق قىز جٷگٸنگەن بولاتىن.
ازاماتشا 21 تامىزدا ساعات 01:10-دا ٷيدٸڭ كٸرەبەرٸسٸندە ٶزٸن كٸرپٸشپەن ۇرعان بەلگٸسٸز ادامعا شارا قولدانۋدى سۇرادى.
وسىدان كەيٸن جەبٸرلەنۋشٸنٸڭ كەش جٷگٸنۋٸنە قاراماستان جەدەل ٸزدەستٸرۋ شارالارى بارىسىندا پوليتسييا كٷدٸكتٸنٸڭ اتى-جٶنٸن انىقتادى.
