Foto: elements.envato.com
Pavlodar oblystyq jedel járdem stantsiiasy ókilderi jedel járdem kóliginde bir jasar sábidiń qabyrǵasy synyp, basymen qulaǵan jaǵdaidyń mán-jaiyn aitty, - dep habarlaidy Tengrinews.kz tilshisi.
"103" jelisine qońyraý 6 sáýirde saǵat 21.05-te tústi. Oǵan birinshi sanatty jedeldik taǵaiyndaldy, sondyqtan ol jerge jaqyn mańdaǵy meditsinalyq brigada jiberildi. Saǵat 21.07-de meditsina qyzmetkerleri ornynda boldy. Sol kezde kishkentai naýqastyń tynysy toqtap, klinikalyq ólim jaǵdaiyna túsken. Pediatriialyq brigada dárigeri keýdege kompressiia jasai bastady. Mundai jaǵdaida qabyrǵanyń zaqymdalýy, ásirese jas balalarda joqqa shyǵarylmaidy. Dárigerler saǵat 21.33-te balany aýrýhanaǵa jatqyzý kezinde keýde aimaǵynyń synýy múmkin ekenin habarlady", - dep túsindirdi Pavlodar oblystyq jedel járdem stantsiiasy ókilderi.
Sondai-aq, náreste nege qulap qalǵany aitylǵan.
"Naýqasty aýrýhanaǵa jetkizgen kezde ony zembilge bailamaǵan, sebebi náreste kez kelgen sátte tynys ala almai qalýy múmkin jáne oǵan reanimatsiia qajet bolady. Meditsinalyq toptyń aitýynsha, burylystardyń birinde bala zembilden qulap ketken, biraq dáriger de, anasy da ony ustap qalǵan, ol edenge qulamady", - dep sendirdi jedel járdem stantsiiasynyń dárigerleri.
Sondai-aq, olar jedel járdem júrgizýshisi kólikti kenetten toqtatqan jaǵai bolmaǵanyn aitqan.
"Jedel járdem stantsiiasynyń basshylyǵy meditsina qyzmetkerleri áreketinde zańbuzýshylyq boldy dep sanamaidy. Bul rette "103" qyzmeti balanyń anasynan keshirim suraidy. Sábidiń densaýlyǵy myqty bolyp, tezirek saýyǵyp ketýine tilektespiz", - dedi jedel járdem stantsiiasy ókilderi.
