15 sáýir kúni Sultanmahmut Toraiǵyrov atyndaǵy Pavlodar memlekettik ýniversitetinde «Jýrnalistika» mamandyǵy boiynsha joǵary oqý oryndary stýdentteriniń XI Respýblikalyq pándik olimpiadasy bastaldy.
Eki kúnge sozylǵan bilim dodasyna elimizdiń ár aimaǵynan 17 komanda qatysyp jatyr. Pándik olimpiadanyń basty taqyryby «Uly dala ulaǵaty» dep atalady.
Jarystyń alǵashqy kúninde qatysýshy stýdentter tanystyrý jáne esse jazý boiynsha synǵa tústi. Saiys sharty negizinde qazylar alqasy óz baǵasyn berip, pikir bildirdi.
Uiymdastyrýshylar qala qonaqtaryna Pavlodar qalasynyń kórikti jerlerin aralatty. Máshhúr Júsip Kópeiulynyń meshiti, Rámizder saiabaǵy, Buqar jyraý atyndaǵy ádebiet jáne óner mýzeii stýdentterge erekshe áser qaldyrdy. Saiys qorytyndysy 16 sáýir kúni belgili bolady.
Batan Dina,
Shet tilder jáne iskerlik karera ýniversitetiniń 3 kýrs stýdenti
