Pavlodardaǵy kópqabatty úiden shyqqan eki órtti sóndirgen qutqarýshylar eresekter men balalardy evakýatsiialaýǵa májbúr boldy, dep habarlaidy "Ult aqparat".
22 qarasha kúni saǵat 09.23 kezinde Estai kóshesi, 134 mekenjaiynan habarlama kelip túsken. On qabatty úidiń toǵyzynshy qabatyndaǵy 283-páter órtengen.
«Órt sóndirýshiler páterden 1977 jyly týǵan er adamdy qutqaryp, ol birinshi qalalyq aýrýhanaǵa aýyrlyǵy ortasha janý ónimderimen ótkir ingaliatsiialyq ýlaný, alkogoldik mas bolý diagnozymen jatqyzyldy» dep habarlady Pavlodar oblysy politsiia departamentiniń baspasóz qyzmeti.
Sondai-aq, 23 qarasha saǵat 07.05 shamasynda Pavlodar qalasy Marǵulan kóshesi, 99 mekenjaiyndaǵy toǵyz qabatty kóppáterli turǵyn úide órt shyqty.
Jetinshi qabattaǵy páterde on eki sharshy metr alańda órt bolǵan.
Tótenshe jaǵdailar departamentiniń kúshimen podezden bes adam, onyń ishinde eki bala evakýatsiialandy. Órt ornynan 1958 jyly týǵan páter iesiniń janyp ketken máiiti tabylǵan.
