پاۆلودارداعى كٶپقاباتتى ٷيدەن شىققان ەكٸ ٶرتتٸ سٶندٸرگەن قۇتقارۋشىلار ەرەسەكتەر مەن بالالاردى ەۆاكۋاتسييالاۋعا مەجبٷر بولدى, دەپ حابارلايدى "ۇلت اقپارات".
22 قاراشا كٷنٸ ساعات 09.23 كەزٸندە ەستاي كٶشەسٸ, 134 مەكەنجايىنان حابارلاما كەلٸپ تٷسكەن. ون قاباتتى ٷيدٸڭ توعىزىنشى قاباتىنداعى 283-پەتەر ٶرتەنگەن.
«ٶرت سٶندٸرۋشٸلەر پەتەردەن 1977 جىلى تۋعان ەر ادامدى قۇتقارىپ, ول بٸرٸنشٸ قالالىق اۋرۋحاناعا اۋىرلىعى ورتاشا جانۋ ٶنٸمدەرٸمەن ٶتكٸر ينگالياتسييالىق ۋلانۋ, الكوگولدٸك ماس بولۋ دياگنوزىمەن جاتقىزىلدى» دەپ حابارلادى پاۆلودار وبلىسى پوليتسييا دەپارتامەنتٸنٸڭ باسپاسٶز قىزمەتٸ.
سونداي-اق, 23 قاراشا ساعات 07.05 شاماسىندا پاۆلودار قالاسى مارعۇلان كٶشەسٸ, 99 مەكەنجايىنداعى توعىز قاباتتى كٶپپەتەرلٸ تۇرعىن ٷيدە ٶرت شىقتى.
جەتٸنشٸ قاباتتاعى پەتەردە ون ەكٸ شارشى مەتر الاڭدا ٶرت بولعان.
تٶتەنشە جاعدايلار دەپارتامەنتٸنٸڭ كٷشٸمەن پودەزدەن بەس ادام, ونىڭ ٸشٸندە ەكٸ بالا ەۆاكۋاتسييالاندى. ٶرت ورنىنان 1958 جىلى تۋعان پەتەر يەسٸنٸڭ جانىپ كەتكەن مەيٸتٸ تابىلعان.
