Pavlodarda týǵan kún toilaý úshin jekemenshik turǵyn úide jinalǵan bir top jastar politsiia bólimine jetkizildi, dep habarlaidy "Ult aqparat".
«31 qazan kúni saǵat 22:30-da Pavlodar qalasy politsiiasynyń kezekshi bólimine Isinaliev kóshesinde ornalasqan jekemenshik úilerdiń birinde saýyq keshi ótip jatqany týraly habarlama kelip túsken. Atalǵan mekenjaiǵa kelgen tártip saqshylary bul úide jastardyń týǵan kún toilap jatqanyn anyqtady», - dep baiandady Pavlodar oblysy jergilikti politsiia qyzmetiniń bastyǵy Ǵalym Sargulov.
Politseiler jas azamattardy Pavlodar qalasynyń ortalyq politsiia bólimine jetkizdi.
Olarǵa jáne úi iesine qatysty karantin rejimin buzý faktisi boiynsha material jinalyp, QR Ákimshilik quqyq buzý týraly kodekstiń 425-baby boiynsha ákimshilik jaýapkershilikke tartý úshin taýarlar jáne qyzmetterdiń sapasy men qaýipsizdigin baqylaý basqarmasyna jiberildi.
