Foto: elements.envato.com
5 shildede Pavlodar qalasy sotynyń úkimimen "Qazposhta" AQ oblystyq filialy basshysynyń orynbasary para alǵany úshin sottaldy, - dep habarlaidy "Ult aqparat" Sybailas jemqorlyqqa qarsy is-qimyl agenttiginiń Pavlodar oblysy boiynsha departamentine silteme jasap.
"Ol filialdyń avtosharýashylyǵy aýmaǵynda avtomobil boksynyń shatyryn jóndeý boiynsha oryndalǵan jumystardyń aktilerine qol qoiǵany úshin merdiger uiym ókilinen 2 million teńge somasynda para aldy.
Sottalǵan adamǵa memlekettik qyzmette, jergilikti ózin-ózi basqarý organdarynda, qarjy uiymdarynda jáne kvazimemlekettik sektorda laýazymdardy atqarý quqyǵynan ómir boiyna aiyra otyryp, 3 jyl bas bostandyǵynan aiyrý túrindegi jaza taǵaiyndaldy", - delingen habarlamada.
Sot úkimi zańdy kúshine engen joq.
