Mai aýdany Aqjar aýylynyń ákimi 15 táýlik merzimge qamaýǵa alynǵan, dep habarlaidy "Ult aqparat" memlekettik qyzmet isteri agenttiginiń Pavlodar oblysy boiynsha departamentine silteme jasap.
Onynshy qazan, iaǵni senbi kúni demalysta 19 saǵat 45 minýtta ShQO Kýrchatov qalasynyń Abai-Kýrchatov kósheleriniń qiylysynda politsiia bóliminiń jol-patrýl politsiia qyzmetkerleri Mai aýdany Aqjar aýyly ákiminiń apparatyna tiesili Serik Qusaiynov tizgindegen 21214 MTNB S 176 DM nómirli «Lada» avtokóligin toqtatqan. Anyqtalǵandai, ákim ortasha dárejede mas bolǵan.
Sonymen qatar sheneýnikte kólikti basqarý quqyǵyn beretin qujattar bolmaǵan.
«Sol kúni politsiia Mai aýdany Aqjar aýylynyń ákimi Serik Qusaiynovqa qatysty Ákimshilik quqyq buzý kodeksiniń 608-babynyń birinshi bóligi boiynsha ákimshilik hattama toltyrdy» dep habarlady departament.
Aqjar aýyly ákiminiń tártiptik jaýapkershiligi etika jónindegi keńestiń kezekti otyrysynda qaralady.
