Pavlodar oblystyq densaýlyq saqtaý basqarmasynan jol-kólik oqiǵasy kezinde kóliktiń terezesinen ushyp túsken áieldiń jaǵdaiy týraly aitty, dep habarlaidy "Ult aqparat".
Dárigerler naýqastyń jaǵdaiyn turaqty aýyr dep baǵalap otyr. Qazir ol polijaraqat bóliminde jatyr.
«Ony bizge jetkizgen kezde mańdaiynda jaraqat boldy. Onyń oń jaq urshyǵynyń basy synǵan, oń jambas súiegi, úsh qabyrǵasy synǵan. Dárigerler áieldiń jaraqattan esinen tanyp qalǵanyn aitty», - dedi Pavlodar oblystyq densaýlyq saqtaý basqarmasynyń baspasóz hatshysy Elmira Temirǵalieva.
Aita keteiik, politsiia jol apaty faktisin tekserip jatyr. Kólikter arnaiy aiyppul turaǵyna qoiyldy.
Eske salaiyq, 15 tamyz kúni túnde qaladaǵy Shókin kóshesi men Nazarbaev dańǵylynyń qiylysynda tórt avtokólik bir birine soǵyldy . Oqys oqiǵa kezinde kóliktiń biriniń terezesinen áiel adam ushyp túsken. Oblystyq densaýlyq saqtaý basqarmasy 38 jastaǵy zardap shegýshiniń jaǵdaiy týraly habarlady.
«Áiel kóp jaraqat alǵan. Midyń shaiqalýy, urshyq pen jambastyń jabyq synyǵy, oń jaq 5-6-7 qabyrǵalardyń synyǵy jáne ekinshi dárejeli jaraqattyq shok anyqtaldy», - dedi basqarmadan. Ol №1 qalalyq aýrýhanaǵa jatqyzyldy.
