Pavlodarda orys qolbasshysy Mihail Kýtýzov atyndaǵy kóshege Qazaqstan prezidenti Nursultan Nazarbaev esimin berýdi usyndy, dep jazady Azattyq.
Oblys ákimdigi baspasóz qyzmetiniń habarlaýynsha, usynysty 16 aqpan kúni Pavlodar oblysynyń ákimi Bolat Baqaýovtyń turǵyndarǵa esep berý jiynynda qoǵamdyq keńes tóraǵasy, Pavlodardyń burynǵy ákimi Aleksandr Riýmkin bildirdi. Jergilikti aqparattyq saittardyń habarlaýynsha, kezdesý Estai atyndaǵy qalalyq mádenit úiinde ótken.
- Sońǵy ýaqytta qalamyzdyń kórkin kirgizý úshin kóp nárse isteldi, ásirese Kýtýzov kóshesi ózgertildi. Qalany kórkeitýge kóńil bólip jatqanyńyz úshin kóp rahmet. Almatyda Fýrmanov atyndaǵy kósheniń atyn ózgertti. Shymkentte de mundai másele kóterildi. Pavlodarda da kórikti kóshelerdiń birine Qazaqstan prezidentiniń esimi berilýi tiis dep oilaimyn, - dedi Aleksandr Riýmkin. Oblys ákimi bul usynysqa oilanatynyn aitqan.
Qazaqstanda kóshe jáne nysanǵa Nursultan Nazarbaevtyń esimi buǵan deiin de berilgen.
Byltyr Pavlodarda jergilikti turǵyndar ákimge Lenin kóshesin Astana dep ózgertýdi usynǵan. Keibir turǵyndar qalanyń ortalyǵyndaǵy úlken kóshelerdiń biri Kýtýzov kóshesin Astana dep ataýdy usynǵan. Biraq qalalyq máslihat aqyrynda Lenin kóshesin Astana dep ataýdy qoldaǵan.
Birer kún buryn Oralda jańa salynǵan alańǵa Nazarbaevtyń atyn berý usynysy aitylǵany habarlanǵan.
Ótken aida Ońtústik Qazaqstan oblysy máslihatynyń depýtattary Shymkenttegi Astana alańynyń atyn prezident Nursultan Nazarbaev atyndaǵy alań dep ózgertý týraly usynysty qoldaǵany habarlanǵan.
Byltyr qarashanyń sońynda Almatynyń ortalyǵyndaǵy sovet kezeńinen beri ózgertilmegen Fýrmanov kóshesi Nazarbaev dańǵyly dep ózgertilgen.
