Pavlodar oblysynda balasyn dalada qaldyrǵan ana ustaldy, dep habarlaidy "Ult aqparat" Polisia.kz resýrsyna silteme jasap.
Pavlodarda ýchaskelik politsiia inspektorlarynyń jedel is-qimylynyń arqasynda balasynyń ómirin qaterge tikken 33 jastaǵy ana ustaldy.
26 qarasha saǵat 20.40-ta politsiiaǵa Pavlodar qalasyndaǵy «Avtovokzal» tramvai aialdamasynyń oryndyǵynan 8-9 ailyq aziat tiptes bala tabylǵany týraly habarlama kelip tústi.
Kózben sholyp qaraý kezinde balada kózge kórinetin dene jaraqaty bolǵan joq. Dereý bala týraly baǵdar jasalyp, aýmaqtyq jáne shekara mańyndaǵy aýdandarǵa taratyldy.
Jaqyn mańdaǵy barlyq kósheler tekserildi, kýágerler men kórgen adamdar suraldy. Jedel qyzmetkerler men ýchaskelik politsiia inspektorlary qys mezgilinde úlken jumys atqardy.
Nátijesinde ýchaskelik inspektorlar 32 jastaǵy jergilikti turǵyn basqarǵan «Toyota Camry» avtokóligin anyqtady. Onyń aitýynsha, ol «InDriver» mobildi qosymshasy arqyly jolaýshylar tasymalymen ainalysady.
26 qarashada ol Semeiden Pavlodar qalasyna balasy bar áieldi ákelip, avtovokzalǵa qaldyrǵan. Eki saǵattan astam ýaqyt aralyǵynda kúdikti áiel ustaldy.
«Oqiǵa boiynsha QR QK 119-babynyń 1-bóligi boiynsha sotqa deiingi tergeý bastaldy», – deidi Pavlodar oblysy politsiia departamentiniń bastyǵy Nurlan Másimov.
Politsiia qyzmetkerleri áieldiń jalǵyzbasty ana ekenin, asyraýynda kámeletke tolmaǵan eki uly (9 jas, 1,2 jas) bar ekenin anyqtady.
Úlken uly ájesimen birge Ekibastuz qalasynda turady. Sońǵy jyldary áiel Taraz qalasynda turǵan.
Ulyn tastap ketýdi aldyn ala josparlapty.
