پاۆلودار وبلىسىندا بالاسىن دالادا قالدىرعان انا ۇستالدى, دەپ حابارلايدى "ۇلت اقپارات" Polisia.kz رەسۋرسىنا سٸلتەمە جاساپ.
پاۆلوداردا ۋچاسكەلٸك پوليتسييا ينسپەكتورلارىنىڭ جەدەل ٸس-قيمىلىنىڭ ارقاسىندا بالاسىنىڭ ٶمٸرٸن قاتەرگە تٸككەن 33 جاستاعى انا ۇستالدى.
26 قاراشا ساعات 20.40-تا پوليتسيياعا پاۆلودار قالاسىنداعى «اۆتوۆوكزال» ترامۆاي ايالداماسىنىڭ ورىندىعىنان 8-9 ايلىق ازيات تيپتەس بالا تابىلعانى تۋرالى حابارلاما كەلٸپ تٷستٸ.
كٶزبەن شولىپ قاراۋ كەزٸندە بالادا كٶزگە كٶرٸنەتٸن دەنە جاراقاتى بولعان جوق. دەرەۋ بالا تۋرالى باعدار جاسالىپ, اۋماقتىق جەنە شەكارا ماڭىنداعى اۋداندارعا تاراتىلدى.
جاقىن ماڭداعى بارلىق كٶشەلەر تەكسەرٸلدٸ, كۋەگەرلەر مەن كٶرگەن ادامدار سۇرالدى. جەدەل قىزمەتكەرلەر مەن ۋچاسكەلٸك پوليتسييا ينسپەكتورلارى قىس مەزگٸلٸندە ٷلكەن جۇمىس اتقاردى.
نەتيجەسٸندە ۋچاسكەلٸك ينسپەكتورلار 32 جاستاعى جەرگٸلٸكتٸ تۇرعىن باسقارعان «Toyota Camry» اۆتوكٶلٸگٸن انىقتادى. ونىڭ ايتۋىنشا, ول «InDriver» موبيلدٸ قوسىمشاسى ارقىلى جولاۋشىلار تاسىمالىمەن اينالىسادى.
26 قاراشادا ول سەمەيدەن پاۆلودار قالاسىنا بالاسى بار ەيەلدٸ ەكەلٸپ, اۆتوۆوكزالعا قالدىرعان. ەكٸ ساعاتتان استام ۋاقىت ارالىعىندا كٷدٸكتٸ ەيەل ۇستالدى.
«وقيعا بويىنشا قر قك 119-بابىنىڭ 1-بٶلٸگٸ بويىنشا سوتقا دەيٸنگٸ تەرگەۋ باستالدى», – دەيدٸ پاۆلودار وبلىسى پوليتسييا دەپارتامەنتٸنٸڭ باستىعى نۇرلان مەسٸموۆ.
پوليتسييا قىزمەتكەرلەرٸ ەيەلدٸڭ جالعىزباستى انا ەكەنٸن, اسىراۋىندا كەمەلەتكە تولماعان ەكٸ ۇلى (9 جاس, 1,2 جاس) بار ەكەنٸن انىقتادى.
ٷلكەن ۇلى ەجەسٸمەن بٸرگە ەكٸباستۇز قالاسىندا تۇرادى. سوڭعى جىلدارى ەيەل تاراز قالاسىندا تۇرعان.
ۇلىن تاستاپ كەتۋدٸ الدىن الا جوسپارلاپتى.
