Pavlodar oblysynda jas balany zorlady dep aiyptalǵan 58 jastaǵy er adam 20 jylǵa sottaldy, dep habarlaidy Pavlodarnews resýrsy.
Pavlodar turǵyny sotta óz kinásin moiyndamady.
Oblystyq mamandandyrylǵan aýdanaralyq qylmystyq ister soty baspasóz qyzmetiniń málimetinshe, bul is jabyq sot otyrysynda, alqabilerdiń qatysýymen qaralǵan.
Sottalýshynyń kinási jábirlenýshiniń jáne kýágerlerdiń sózimen, saraptama nátijesimen dáleldendi.
«Sotta prokýror kúdiktini 20 jylǵa bas bostandyǵynan aiyrýdy surady. Sottalýshy kinásin moiyndamady, ol jáne onyń advokaty aqtaýdy surady» dep málim etti vedomstvodan.
Alqabilerdiń sheshimimen 58 jastaǵy Pavlodar turǵyny aiypty dep tanyldy.
Qylmystyq kodekstiń 121-babynyń 4-bólimine sáikes mundai qylmys úshin maksimaldy jaza - 20 jylǵa sottaý.
Aiyptalýshy atalǵan merzimdi qaýipsizdigi barynsha joǵary túzeý mekemesinde óteidi.
Er adam kámelet jasyna tolmaǵan balalarmen jumys isteitin qyzmetterdi atqarý quqyǵynan ómir boiyna aiyryldy.
