پاۆلودار وبلىسىندا جاس بالانى زورلادى دەپ ايىپتالعان 58 جاستاعى ەر ادام 20 جىلعا سوتتالدى, دەپ حابارلايدى Pavlodarnews رەسۋرسى.
پاۆلودار تۇرعىنى سوتتا ٶز كٸنەسٸن مويىندامادى.
وبلىستىق مامانداندىرىلعان اۋدانارالىق قىلمىستىق ٸستەر سوتى باسپاسٶز قىزمەتٸنٸڭ مەلٸمەتٸنشە, بۇل ٸس جابىق سوت وتىرىسىندا, القابيلەردٸڭ قاتىسۋىمەن قارالعان.
سوتتالۋشىنىڭ كٸنەسٸ جەبٸرلەنۋشٸنٸڭ جەنە كۋەگەرلەردٸڭ سٶزٸمەن, ساراپتاما نەتيجەسٸمەن دەلەلدەندٸ.
«سوتتا پروكۋرور كٷدٸكتٸنٸ 20 جىلعا باس بوستاندىعىنان ايىرۋدى سۇرادى. سوتتالۋشى كٸنەسٸن مويىندامادى, ول جەنە ونىڭ ادۆوكاتى اقتاۋدى سۇرادى» دەپ مەلٸم ەتتٸ ۆەدومستۆودان.
القابيلەردٸڭ شەشٸمٸمەن 58 جاستاعى پاۆلودار تۇرعىنى ايىپتى دەپ تانىلدى.
قىلمىستىق كودەكستٸڭ 121-بابىنىڭ 4-بٶلٸمٸنە سەيكەس مۇنداي قىلمىس ٷشٸن ماكسيمالدى جازا - 20 جىلعا سوتتاۋ.
ايىپتالۋشى اتالعان مەرزٸمدٸ قاۋٸپسٸزدٸگٸ بارىنشا جوعارى تٷزەۋ مەكەمەسٸندە ٶتەيدٸ.
ەر ادام كەمەلەت جاسىنا تولماعان بالالارمەن جۇمىس ٸستەيتٸن قىزمەتتەردٸ اتقارۋ قۇقىعىنان ٶمٸر بويىنا ايىرىلدى.
