Pavlodarda «Abai ár úidiń tórinde» kitap syilaý aktsiiasy bastaldy, dep habarlaidy pavlodarnews.kz.
S.Toraiǵyrov atyndaǵy oblystyq ámbebap ǵylymi kitaphanasy qazaqtyń uly oishyly, filosof, aqyn, aǵartýshy Abaidyń týǵanyna 175 jyl tolýyna orai aqynnyń mereitoiyn keń kólemde atap ótý maqsatynda birqatar tyń bastamalardy qolǵa alýda. Sonyń biri – «Abai ár úidiń tórinde» aktsiiasy aiasynda qoǵamdyq oryndarda qala turǵyndary men qonaqtary arasynda kemeńger týraly saýalnamalar júrgiziledi. Sondai-aq shara barysynda Abai shyǵarmalary, sonyń ishinde óleńderi men qara sózderin mánerlep oqyǵan, kompozitordyń ánderin naqyshyna keltire shyrqaǵan turǵyndarǵa Abaidyń kitaptary syiǵa beriledi. Aktsiianyń alǵashqy sharasy Pavlodar qalasyndaǵy «Batyr mall» saýda jáne oiyn-saýyq ortalyǵynda ótti. Eń alǵashqy bolyp saýalnamaǵa jaýap berýshi – PMPÝ-diń 2-kýrs stýdenti Dilnáz Kárimova «Jasymda ǵylym bar dep eskermedim» óleńin jatqa oqyp berdi.
«Qazaq tili men ádebieti muǵalimi mamandyǵy boiynsha bilim alatyndyqtan Abaidyń birneshe óleńin bilemin. Qazaqtyń ózge aqyndarynyń óleńderin jatqa bilemin. Abaidy ár qazaq bilýi tiis dep sanaimyn», - deidi Dilnáz Kárimova.
Kitaphana basshysynyń orynbasary Barshagúl Baijanova saýda ortalyǵynda 15-ten astam kitap syiǵa tartylǵanyn aitty. «Batyr mall ortalyǵyna 20 kitap ákelgen bolatynbyz», - dedi Barshagúl Baijanova. «1 saǵattyń kóleminde 15-ten astam adam Abaidyń shyǵarmalarynan úzindi aityp berdi. Kóbisi óleńderin oqýda. Bir-eki adam ánin oryndady. Jalpy, jaýap bergenderdiń basym bóligi jastar. Jastardyń aqynnyń shyǵarmashylyǵyn bilgeni qýantady. Aktsiiada kitapty syiǵa tartamyz. Uly oishyldyń kitaby ár úidiń tórinde turý qajet».
Aita keteiik, «Abai ár úidiń tórinde» aktsiiasy jyl sońyna deiin jalǵasyn tappaq. Bul shara qoǵamdyq jáne adamdar kóp jinalatyn oryndarda ótkiziledi.
