پاۆلوداردا «اباي ەر ٷيدٸڭ تٶرٸندە» كٸتاپ سىيلاۋ اكتسيياسى باستالدى, دەپ حابارلايدى pavlodarnews.kz.
س.تورايعىروۆ اتىنداعى وبلىستىق ەمبەباپ عىلىمي كٸتاپحاناسى قازاقتىڭ ۇلى ويشىلى, فيلوسوف, اقىن, اعارتۋشى ابايدىڭ تۋعانىنا 175 جىل تولۋىنا وراي اقىننىڭ مەرەيتويىن كەڭ كٶلەمدە اتاپ ٶتۋ ماقساتىندا بٸرقاتار تىڭ باستامالاردى قولعا الۋدا. سونىڭ بٸرٸ – «اباي ەر ٷيدٸڭ تٶرٸندە» اكتسيياسى اياسىندا قوعامدىق ورىنداردا قالا تۇرعىندارى مەن قوناقتارى اراسىندا كەمەڭگەر تۋرالى ساۋالنامالار جٷرگٸزٸلەدٸ. سونداي-اق شارا بارىسىندا اباي شىعارمالارى, سونىڭ ٸشٸندە ٶلەڭدەرٸ مەن قارا سٶزدەرٸن مەنەرلەپ وقىعان, كومپوزيتوردىڭ ەندەرٸن ناقىشىنا كەلتٸرە شىرقاعان تۇرعىندارعا ابايدىڭ كٸتاپتارى سىيعا بەرٸلەدٸ. اكتسييانىڭ العاشقى شاراسى پاۆلودار قالاسىنداعى «Batyr mall» ساۋدا جەنە ويىن-ساۋىق ورتالىعىندا ٶتتٸ. ەڭ العاشقى بولىپ ساۋالناماعا جاۋاپ بەرۋشٸ – پمپۋ-دٸڭ 2-كۋرس ستۋدەنتٸ دٸلنەز كەرٸموۆا «جاسىمدا عىلىم بار دەپ ەسكەرمەدٸم» ٶلەڭٸن جاتقا وقىپ بەردٸ.
«قازاق تٸلٸ مەن ەدەبيەتٸ مۇعالٸمٸ ماماندىعى بويىنشا بٸلٸم الاتىندىقتان ابايدىڭ بٸرنەشە ٶلەڭٸن بٸلەمٸن. قازاقتىڭ ٶزگە اقىندارىنىڭ ٶلەڭدەرٸن جاتقا بٸلەمٸن. ابايدى ەر قازاق بٸلۋٸ تيٸس دەپ سانايمىن», - دەيدٸ دٸلنەز كەرٸموۆا.
كٸتاپحانا باسشىسىنىڭ ورىنباسارى بارشاگٷل بايجانوۆا ساۋدا ورتالىعىندا 15-تەن استام كٸتاپ سىيعا تارتىلعانىن ايتتى. «Batyr mall ورتالىعىنا 20 كٸتاپ ەكەلگەن بولاتىنبىز», - دەدٸ بارشاگٷل بايجانوۆا. «1 ساعاتتىڭ كٶلەمٸندە 15-تەن استام ادام ابايدىڭ شىعارمالارىنان ٷزٸندٸ ايتىپ بەردٸ. كٶبٸسٸ ٶلەڭدەرٸن وقۋدا. بٸر-ەكٸ ادام ەنٸن ورىندادى. جالپى, جاۋاپ بەرگەندەردٸڭ باسىم بٶلٸگٸ جاستار. جاستاردىڭ اقىننىڭ شىعارماشىلىعىن بٸلگەنٸ قۋانتادى. اكتسييادا كٸتاپتى سىيعا تارتامىز. ۇلى ويشىلدىڭ كٸتابى ەر ٷيدٸڭ تٶرٸندە تۇرۋ قاجەت».
ايتا كەتەيٸك, «اباي ەر ٷيدٸڭ تٶرٸندە» اكتسيياسى جىل سوڭىنا دەيٸن جالعاسىن تاپپاق. بۇل شارا قوعامدىق جەنە ادامدار كٶپ جينالاتىن ورىنداردا ٶتكٸزٸلەدٸ.
