Pavlodar qalasynyń prokýratýrasy memlekettik satyp alýlarǵa júrgizgen taldaý barysynda Ortalyq skverdi jóndeý jobasynda zań buzýshylyqtardy anyqtady, dep habarlaidy ult.kz.
Bas prokýratýranyń málimetinshe, tergeý barysynda smetalyq qujattamaǵa 25 myń sharshy metrden astam trotýar plitalaryn tóseý jumystary men dál osyndai kólemdegi beton plitalaryn satyp alý engizilgeni belgili boldy. Onyń quny 368 mln teńgeden asqan.
Alaida skverdiń jalpy aýmaǵy shamamen 25 myń sharshy metrdi quraidy. Onyń edáýir bóligin kógaldar, aǵashtar jáne plitka tóselmeitin ashyq jerler alyp jatyr. Júrgizilgen ólsheýler nátijesinde naqty qajettilik 9 myń sharshy metrden aspaityny anyqtalǵan.
Osylaisha, jobada kórsetilgen jumys kólemi men qurylys materialdary naqty qajettilikten birneshe ese artyq bolyp, biýdjet qarajatynyń negizsiz jumsalý qaýpin týdyrǵan.
Prokýrorlyq qadaǵalaý aktisiniń nátijesinde memlekettik satyp alý rásimi toqtatylyp, kináli laýazymdy tulǵa jaýapkershilikke tartyldy.
