پاۆلودار قالاسىنىڭ پروكۋراتۋراسى مەملەكەتتٸك ساتىپ الۋلارعا جٷرگٸزگەن تالداۋ بارىسىندا ورتالىق سكۆەردٸ جٶندەۋ جوباسىندا زاڭ بۇزۋشىلىقتاردى انىقتادى, دەپ حابارلايدى ult.kz.
باس پروكۋراتۋرانىڭ مەلٸمەتٸنشە, تەرگەۋ بارىسىندا سمەتالىق قۇجاتتاماعا 25 مىڭ شارشى مەتردەن استام تروتۋار پليتالارىن تٶسەۋ جۇمىستارى مەن دەل وسىنداي كٶلەمدەگٸ بەتون پليتالارىن ساتىپ الۋ ەنگٸزٸلگەنٸ بەلگٸلٸ بولدى. ونىڭ قۇنى 368 ملن تەڭگەدەن اسقان.
الايدا سكۆەردٸڭ جالپى اۋماعى شامامەن 25 مىڭ شارشى مەتردٸ قۇرايدى. ونىڭ ەدەۋٸر بٶلٸگٸن كٶگالدار, اعاشتار جەنە پليتكا تٶسەلمەيتٸن اشىق جەرلەر الىپ جاتىر. جٷرگٸزٸلگەن ٶلشەۋلەر نەتيجەسٸندە ناقتى قاجەتتٸلٸك 9 مىڭ شارشى مەتردەن اسپايتىنى انىقتالعان.
وسىلايشا, جوبادا كٶرسەتٸلگەن جۇمىس كٶلەمٸ مەن قۇرىلىس ماتەريالدارى ناقتى قاجەتتٸلٸكتەن بٸرنەشە ەسە ارتىق بولىپ, بيۋدجەت قاراجاتىنىڭ نەگٸزسٸز جۇمسالۋ قاۋپٸن تۋدىرعان.
پروكۋرورلىق قاداعالاۋ اكتٸسٸنٸڭ نەتيجەسٸندە مەملەكەتتٸك ساتىپ الۋ رەسٸمٸ توقتاتىلىپ, كٸنەلٸ لاۋازىمدى تۇلعا جاۋاپكەرشٸلٸككە تارتىلدى.
